【重要通知：年度收書活動及「書送快樂日」延期】

大家近來都忙清潔、忙抗疫、忙把好書找出來準備送出，我哋一直都收到很多關於打算送書畀我哋嘅查詢。

面對變化多端嘅對抗新型肺炎情況，為咗大小愛書人可以在安全輕鬆嘅環境下享受送書和看書樂趣，經仔細討論後，我哋決定將原訂2月至4月份嘅年度收書活動和「書送快樂日」延後至今年稍後時間舉行。

至於詳細嘅日期，當收到場地確認之後盡快公布。

因為上述決定引起不便之處，敬請各位見諒。

一書一世界，在鎮定抗疫之時，我們打開珍藏的好書，在閱讀裏療癒，重新得力。

勤洗手，外出和有需要時戴口罩；記得回家洗手後，先至好攞起你本愛書呀﹗