.png)
今個禮拜起，我哋逢星期五都會分享「書店快樂」冷知識。首先帶大家嚟睇下屠畜的藝術。
.
豬肉可以話係日常料理中最常接觸到嘅肉品，例如焗豬扒飯、咕嚕肉等。咁你知唔知你最鍾意嘅豬肉是點樣整出嚟呢？又知唔知係屠豬之後，要做咩步驟先可以有好味道嘅肉？係剝皮定係去內臟呀？
.
原來最重要嘅步驟係放血。如果唔放曬啲血，肉就好容易腐爛。到底應該點樣做先可以放曬豬全身嘅血呢？係一定要趁心臟仲跳緊嘅時候切斷動脈，等心臟係不斷跳動嘅過程中擠壓出佢身體裏面嘅血液。
.
然後先係去除內臟，因為內臟比起肉係更加容易腐壞。呢部分由嘴巴、食道到連接肛門嘅直腸為止。由於裏面裝有膽汁苦液，會有消化吸收到一半嘅食物，同排泄物。
.
再嚟係剝皮 (都有唔剝豬皮嘅)。最後就係分割，根據唔同部分都有唔同嘅切割方向，但通常都會以脊椎為中心將肉切開兩半。
.
睇完文字之後，相信大家好難想像到屠宰一隻豬要花幾多功夫。所以呢，作者就特登畫左好多插圖，係關於佢去唔同國家參觀屠宰業既過程。
.
想了解更多？今期「書店快樂」最新上架嘅《世界屠畜紀行》，有更多關於屠宰家禽嘅秘辛等你嚟發掘！嚟「書店快樂」望下啦！https://www.read-cycling.org/book-shopping
Comments